logo

Təkrarsığorta

25

Təkrarsığorta

“PAŞA Sığorta” şirkətində bağlanılan sığorta müqavilələrinin etibarlılığı aparıcı mütəxəssislər tərəfindən hazırlanmış təkrarsığorta proqramı ilə təmin olunur. Sığorta təminatı təqdim edərkən, “PAŞA Sığorta”-nın anderrayterləri yalnız riskin həcmini deyil, həmçinin onun şirkətin öz üzərində saxlanılması və ya təkrarsığortaya ötürülməsi zəruriyyətini dəyərləndirirlər.
Dəqiq ölçülmüş təkrarsığorta siyasətinin hesabına həm müştərinin, həm də “PAŞA Sığorta”-nın maliyyə maraqları müdafiə olunur. Dünyanın aparıcı sığorta şirkətləri ilə aparılan təkrarsığorta proqramı, həmçinin şirkətin öz maliyyə resursları Sizin risklərinizin etibarlı yerləşdirilməsinə zəmanət verir.

“PAŞA Sığorta” öz fəaliyyətində təkrarsığorta imkanlarından geniş yararlanaraq riskləri fakultativ və ya obliqator sxemlər əsasında təkrarsığortalayır.

2015-ci ilin Noyabr ayında “PAŞA Sığorta” əmlak / inşaat-montaj, yük və məsuliyyət sığorta növləri üzrə özünün ilk qeyri-mütanasib obliqator təkrarsığorta müqaviləsini bağlamışdır. Bu müqavilə  20 000 000 AZN məbləğinə qədər riskləri öz üzərində saxlamaq imkanı yaradır və Avropanın ən iri və yüksək reytinqə malik olan “Hannover Re”, “Trust Re”, “Polish RE” və “SCOR” şirkətləri, və yerli sığorta şirkətləri olan “AzRe”, “AzSığorta”, “ATA Sığorta” ilə imzalanmışdır. Bu proqram çərçivəsində lider anderrayter qismində “Hannover Re” çıxış edir.

Obliqator və fakültativ təkrarsığorta imkanlarından istifadə edərək “PAŞA Sığorta” sizin risklərinizin qısa zamanda effektiv və etibarlı müdafiəsini təmin edir.

Sığorta hadisələri

Разбитый грузовикZədələnmiş yük maşını

10 sentyabr 2009-cu il tarixi “Mercedes-Benz Axor” avtomobilinin sürücüsünün yaddaşına uzun müddətə həkk olacaqdır. Yük maşını tikinti şirkətinə məxsus idi. Həmin gün sürücü özünün həmişəki adi marşrutu üzrə hərəkət edirdi. Ölçülərinin böyük olmasına baxmayaraq, yaxşı manevrliliyi olan avtomobili idarə etmək çox rahat idi və bu əsl məmnuniyyət idi. Lakin Ə.Rəcəbli küçəsindən keçərkən, sürücü birdən bərk partıltı eşitdi. Partıltıdan dərhal sonra sürücü maşının yana tərəf meylləndiyini hiss etdi – deyəsən, təkər partlamışdı.

Daha sonra ...